UDAN-IN Line

ELTXURI LUDOTEKAren esperientziak, ekintzen aniztasunak, zerbitzuak eta instalakuntzarik egokienak edukitzeak Donostiako Ludoteka osatuena izatea ekartzen du.

Garraio publiko, auto edota oinez iristeko erreztasuna ere aldeko puntu bat da.

Instalakuntzak
Donostiako izotz pista dagoen eraikuntzaren barne, eltxuri-k Gabonetako, Aste Santuko eta Udarako Ludotekak burutzen diren areto egonkor, zabal eta egokitu bat dauka.

Gainera, udara garaian, izotza desagertu egiten da eta 1700 metro karratuko azalera bati lekua ematen dio, primerakoa eguraldi txarra egiten duen egunetan ekintzak burutu ahal izateko.

Gainera, haurrek gurpil gainean patinatzen ikasteko erabiltzen duten espazioa da.

Ekintzak
Egurats zabalean ekintzak, plastika tailerra, eskulanak eta pintura, pantaila erraldoian proiekzioak, jokoak, ahozko mintzamena, irteerak eta bisita hezitzaileak eskaintzen ditu, besteak beste, Ludotekak.

Begirale trebatuak
Haurrak adinaren arabera banatuak izango dira eta, gainera, jangela zerbitzu bat dago eskuragarri, Izotz Jauregiko kafetegian bertan. Ekintza guztiak esperientziadun eta trebatuak diren begiraleek zuzenduak izango dira, urtean zehar ehunka haurri ikastaroak ematen dizkietenak.

Gabonak eta Aste Santua

Aurreko urteetan bezala Gabonetako eta Aste Santuko oporraldietan hainbat jarduera antolatzen ditugu, 3 eta 12 urte bitarteko haurrentzat, goizak era dibertigarri batean igaro ahal izateko.

Honetarako, ordu beteko izotz gaineko patinaje ikastaroak antolatu dizkiegu, edota, nahi izanez gero, gure begiraleak ondoan dituztela, goiz guztia pasa dezakete jolasean eta patinatzen ikasten.

Ludotekan, haurrek ekintza ugari edukiko dituzte goizean zehar; besteak beste zinea, plastika eta eskulan tailerrak, betiko jokoak kalean nahiz instalakuntza barruan, ahozko mintzamena, ipuinaren ordua, margo tailerra joku libreak eta noski, izotz gaineko patinaje ikastaroa.

Haurrak taldeetan banatuak izango dira, adinaren arabera, eta ekintza elebidunak edukiko dituzte. Ikastaro trinkoak, patinatze teknikaren hastapenerako, pausu garrantzitsua dira, baina teknika hobetzeko ere balioko dute. Jarraipen pertsonalizatuaren bitartez atera iezaiozu probetxurik handiena izotzari.